Цистит инфекцион хасталик эмас. У жинсий яқинлик вақтида тўғридан-тўғри юқмайди. Айрим ҳолатларда жинсий алоқадан кейин касалликнинг хуруж қилиши нозик аъзолар микрофлорасининг бузулиши билан боғлиқ бўлиши мумкин. Яъни жинсий аъзода ривожланган бактериялар алоқа вақтида сийдик йўлига, тушиб цистит касаллигини
келтириб чиқаради.
Бундан ташқари аёл иммун тизимининг сустлиги, сийдик йўлларининг шамоллаши, шахсий гигиенага амал қилмаслик ҳам систитга олиб келиши мумкин. Ўзбилармонлик билан турли дори воситаларини қабул қилиш ёки охиригача даволанмаслик касалликнинг қайталаш эҳтимолини оширади.
Цистит билан оғриган аёлларни касаллик вақтида турмуш ўртоғимга ҳам юқиши мумкинми деган савол ўйлантиради.
Шуни эслатиб ўтиш лозимки, эркаклар камдан кам ҳолатларда систитга чалинишади. Бунга эса асосан сурункали простатит хасталигининг зўрайиши сабаб бўлади.
Касаллик вақтида жинсий алоқада бўлиш тавсия этилмайди. Бундай яқинликдан кейин сийдик қопига тушаётган босим кучаяди ва
беморнинг ҳолати ёмонлашиши кузатилади. Ҳатто даволанишнинг энг сўнгги босқичларида ҳам касаллик қайталаши кузатилган.
Сурункали систитга йўл қўймаслик учун уни ўз вақтида ва тўғри даволаш даркор. Бундан ташқари, даволаш курсини ўтагандан кейин аёл ўз саломатлигига эътиборли бўлса, уни қайта қўзғатувчи стрессларга йўл қўймаса, бактерияларнинг олдини олиш учун доимий равишда шахсий гигиена қоидаларига амал қилиб борса, касаллик хуружи анча камаяди, бутунлай тузалиб кетиш эҳтимоли ҳам юқори.
Комментариев нет:
Отправить комментарий