Кўзларим зор келармисан,
Соғинганим билармисан,
Отам борку деярмисан,
Болам излаб келмайсанми?
Йўқ йўк ғариб эмасман мен,
Келсанг нодон демасман мен,
Гушту асал емасман мен,
Соғинганим билмайсанми?
Йиллар ўтди кўролмадим,
Сени хидлаб тўёлмадим,
Холинг не, деб сўролмадим,
Отам дея келмайсанми?
Келгин бир бор дилга босай,
Бўйларингга жоним осай,
Мехримдан бир қаср ясай,
Энди излаб келмайсанми?
Умрим тугаб колди анча,
Яна умрим колди қанча,
Бир эслатай ха айтганча,
Соғингандир демайсанми?
Дилим мушток кўзлар йўлда,
Хат ёзаман титраб қўлда,
Кўзлар йўлда оёк гўрда,
Болам излаб келмайсанми?
Кўзларим зор келармисан,
Соғинганим билармисан,
Отам борку деярмисан,
Болам излаб келмайсанми?
Соғинганим билмайсанми?
Комментариев нет:
Отправить комментарий