ҚУВНОҚ БОЛАЛАР
Дунёнинг болалари
бари қувноқ болалар,
Келажаги яна ҳам
равшан, порлоқ болалар!
Диллари пок ҳамиша,
ниятлари ҳам яна,
Улар бир..бирлари..ла
яшар иноқ болалар.
Миллатлари, ирқлари
турли..туман, хилма..хил,
Ранглари ҳам турлича:
қора ва оқ болалар.
Миллат ва ирқларининг
мутлақо ҳеч фарқи йўқ.
Улар дўстлик бобида
апоқ..чапоқ болалар!
Она мактабларида
илм олар бемалол,
Ўқишларда аълочи,
олий ахлоқ болалар.
Меҳнат, спорт жангида
куч синашар басма..бас,
Жасур, чаққон ва эпчил,
эмас қўрқоқ болалар.
Ҳар бирларин рамзи бор:
давлатларин белгиси,
Қўлларида ҳамиша
алвон байроқ болалар.
Ғолиблари шон..
шараф келтиради элига,
Улар билим ва кучда
бўлар маёқ болалар.
Миллий кийимларининг
кўрк, чиройи ўзгача,
Бошларида шапка, гоҳ
ва ё қалпоқ болалар!
Қайси юрт ва шаҳарга
борсангиз ғиж..хиж бола,
Ҳамма жойда ҳам бисёр
ва бесаноқ болалар.
Демак. бутун оламда
тинчлик самараси бу,
Шу боиским ҳар юртда
топар ардоқ болалар.
Бир..бирларига гоҳо
меҳмон бўлиб боришар,
Меҳмон бўлган ҳар юртда
топар қўноқ болалар.
Илм, ҳунар э г а с и
барчаси ҳушёр, зийрак,
Ножўя қилиқлар йўқ,
эмас нўноқ болалар.
Давр талаби билан
ҳаммаси уддубурон,
Ҳар қаерда ҳар қавчон
энг эпчилроқ болалар.
Ўзга юртларга борса,
тортинчоқлик қилмайди,
Кўча..кўйда юришар
мағрур, қувноқ болалар.
Юрса шаҳарма..шаҳар,
кўп жойларни кўради,
Тамошагоҳ жойларда
ўйинқароқ болалар.
Болаликнинг албатта,
қувноқлик ва гашти бор,
Лекин ушбу фурсатни
билмас бироқ, болалар.
Шўхликлари бир жаҳон,
қайғу, ғамни билмасин,
Бўлсин қайғу. аламдан
албат, йироқ болалар.
Замона тинч ва хуррам,
юрт..элда маъмурчилик,
Фақат илм..билимга
бўлар муштоқ болалар.
Бориш..келиш туфайли
дўст бўлади барчаси.
Шу боиским ҳар жойда
дўсту ўртоқ болалар.
Баъзилари ойга ҳам
чиқиш истагидалар,
Гўё момақалдироқ,
гўё чақмоқ болалар!
Аммо ёмон иллатга
берилганлар йўқ эмас,
Ундайлари охири
бўлар ахмоқ болалар!
Ақл..заковат билан
иш қилмоқлик яхшидир,
Шунда қилган ишидан
олгай мароқ болалар.
Бир..бирларига улар
ҳамдам бўлгани яхши,
Устозларидан яхши
олгай сабоқ болалар.
Ахир инсон ниҳоли
албатта болалар..да,
Ота..она гул бўлса,
шоху япроқ болалар.
Ниҳолчалар улғайиб,
гулу лола бўлади,
Чунон яйраб ўсишар,
бароқ..бароқ болалар.
Она Ватан. юртини
қўриқлайди барчаси,
Ёв..душман бошларига
урар тўқмоқ болалар.
Юрар йўллсарда равон,
турмушлари фаровон,
Юрмас ёмон йўлларга,
бўлса сўқмоқ болалар.
Ҳурмат қилар бир..бирин,
сақлаб дилларда сирин,
Бир..бирига сочмайди
тош ва тупроқ болалар.
Бири дарё ўзани,
бири эса оқар сов,
Атрофлардан қўшилар
мисли ирмоқ болалар.
Ҳар соҳада ҳар бири
мутахассис, билимдон,
Турли туман томонга
отар тармоқ болалар.
Бир..бирига қадрдон,
ёру дўст ва оғайни,
Ажратиб ҳам бўлмайди,
эт ва тирноқ болалар.
Гўёки бешта панжа,
бири бирига ҳамкор,
Синчалак, ўрта бармоқ
ва бош бармоқ болалар.
Ҳар қалай бу ҳаётда
дўст бўлгани яхши...да,
Дўстлик билан ҳамиша
бўлар иноқ болалар.
Бутун олам..жаҳоннинг
кўрки, ғурури сизлар,
Ҳар қачон ва ҳамиша
юринг қувноқ, болалар!
Суҳайлий болаларнинг
дўстлигидан қувонар,
Бутун дунёда бари
бўлсин иноқ болалар!
Комментариев нет:
Отправить комментарий