Кимлар ҳис қилгану,кимлар қилмаган,
Қиз фарзанд меҳрини бир бор туймаган?
Оталик уйини қизи тарк қилса,
Айтинг,ким кўзига ёшин уймаган?
Ширин тилчалари чиққани ондан,
Отасин суяди қизчалар жондан,
Қизнинг отасига тортмоғи балки,
Шу меҳр йўғрилган табаррук қондан!
"Ўғил"-деб,хотинга қилманг маломат,
Қиз фарзанд бўлса-да,сизга омонат,
Фарзанднинг қадрини...тирноққа зордан,
Сўранг,юрибдилар қанча тумонат!
Хаттоки Расулнинг ўғли бўлмаган,
Кўряпсиз-Муборак Авлод ўлмаган,
Сизгача кимлардир нелар қилмаган,
Аллоҳим бермаса-фарзанд бўлмаган!
Тилагим-қизларнинг чўкмасин қалби,
Букмасин қадларин турмушнинг зарби,
Учрасин Отага ўхшаган эркак,
Умрида доимо муносиб тиргак! 🌷 Сайтда👉 www.malhamuz.blogspot.com телеграмда👉
@malhamuz 💞🙏🏼✨🌙
Комментариев нет:
Отправить комментарий