Тақдир йўлларинга ташласа тугун,
Тик қаддингни ерга эгмоқлик учун,
Номардлар тош отар кутмаганингда.
Ортингдан эргашиб юрганда омад,
Хар ердан топаркан сени дўст улфат,
Бошинга балолар ёғилган фурсат,
Бахт қуёшинг ботар кутмаганингда.
Ишонган тоғингдан кийик кетганда,
Бевафо бағрингни тилиб кетганда,
Эртакка айланар садоқат сўзи,
Кўксинга ниш қадар кутмаганингда.
Боринг баҳам кўрсанг келганда нолиб,
Ташласанг кўнглидан дардларин олиб,
Билмайсан баъзида ағёрлар қолиб,
Дўст сирингни сотар кутмаганингда.
АЗАМАТ ЗИЁ
Комментариев нет:
Отправить комментарий