ЯХШИЛИК

ЯХШИЛИК

Бобур айтмиш: “Тутмагин кўз 
бу жаҳондин яхшилик”,
Кўз тутармиз биз ва лекин 
ҳар фалондин яхшилик.

Яхшилик келмайди асло 
яхшиликлар қилмасанг,

Ўнта яхшиликка қайтар 
бир инсондин яхшилик.

Яхшилик кутмайди асло 
тоза қалб инсон одам,
Шай турур қилмоққа доим 
ҳар қачондин яхшилик.

Яхшиликлар кўрмадим деб 
йиғламоқ нодонга хос,
Қандайин худбин топарки, 
ўз замондин яхшилик.

Яхшилик кўрмоқ учун ҳам 
тоза қалб виждон керак,
Келмагай ҳаргиз кишига 
ҳар ёмондин яхшилик.

Яхшиликка яхшиликлар 
кутмагай олижаноб,
Чунки қилгай ҳар ишини 
дил ва жондин яхшилик.

Мақтаниб юрмоқ учун ким 
кимга қилса яхшилик,
Бўлмаса ёқмас худога 
ки иймондин яхшилик.

Яхшилик айлаб кетидан 
айласанг миннат агар,
Айланар яхши ёмонга 
ўша ондин яхшилик.

Яхшилик қилмоқ учун сен 
телбадай бўл жон фидо,
Эй Ғани, шунда топарсан 
бу жаҳондир яхшилик.
Ғани Мажид 📌 🌷 ☝🏻Шеър ёққан бўлса Дўстларингиз билан бўлишинг
 - Фойдали ва саломатлигиз учун керакли канал😻💞. Ранг баранг хабарлар ,турли касалликлар ва уларни олдини олиш.  Яқинларингизга улашиинг ,Сизлар билан доим Каналга уланиш учун линкни устига босинг👇👇👇

телеграмда  👉  @malhamuz  ёки cайтда👉👇👇👇

www.malhamuz.blogspot.com
🌹
🌿🥀🌹🌺 💞