“Cоcа-Cоlа” ичимлигини мунтазам ичиш эркакларнинг репродуктив саломатлигига салбий таъсир кўрсатиб, эркак уруғининг бузилиши ва бепуштликка олиб келиши мумкин. Бундай хулосага Копенгаген университети (Дания) ва Николай Коперник номидаги (Польша) университети олимлари биргаликда ўрганиш
жараёнида келишди.
Олимларнинг тадқиқотида 2,5 минг киши иштирок этган ва шундан 50 фоизга яқини ушбу ичимликни ҳар куни ичишни канда қилмаган. Олинган таҳлилларда аниқланишича, кунига 1 литрдан кўп “Cоcа-Cоlа” истеъмол қилган эркакларда сперматозоидлар сони 30 фоиз камайган. Тадқиқотчиларнинг сўзларига кўра, уларда сперматозоид миқдори миллилитрда 35 млн.гача камайган. Ким газланган ичимликлар ичмаган бўлса, сперматозоид миқдори миллилитрда 56 млн.гача кўтарилган.
Бундан ташқари, мутахассислар “Cоcа-Cоlа”ни мунтазам истеъмол қилиш эркаклик уруғининг бузилишига олиб келиши мумкинлигини аниқлашди.
Бироқ ҳар иккала университет олимлар ушбу ичимликнинг қайси хусусиятлари инсон танасига салбий таъсир кўрсатаётганини аниқлай олишмади. Тадқиқотчиларнинг фикрига кўра, ичимликнинг салбий таъсири уни мунтазам ва кўп миқдорда ичиш билан боғлиқ.
Комментариев нет:
Отправить комментарий