Катарактанинг давоси
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Мисрлик олим, профессор Абдулбосит Саййид Муҳаммад Қуръондаги Юсуф сурасидан таъсирланиб, биринчи марта катаракта (кўз гавҳарининг хира тортиши) касаллигига тер томчиларида даво борлигини
кашф қилиб, бутун дунёни ҳайратга солди. Ушбу дори айни пайтда Европа ва Америка давлатлари томонидан лицензияга эга бўлди. Қуйида соҳа мутахассиси билан бўлиб ўтган ажойиб суҳбатни эътиборингизга ҳавола қиламиз.
Савол: Ҳар бир фикр ёки баҳснинг бошланиши бор. Бу баҳсингиз қаердан бошланди?
Жавоб: Унинг бошланишига Қуръон тиловати сабаб бўлди. Бир куни бомдод намозида Юсуф сурасини ўқиётган эдим, ундаги ажойиб қисса устида бир оз тўхташга мажбур бўлдим. Ундаги акаларнинг Юсуфга қилган фитнаси, отаси уни йўқотиб қўйиб, қаттиқ қайғудан кўзи кўрмай қолгани, сўнгра Аллоҳнинг раҳматига эришиб, Юсуф алайҳиссаломнинг кўйлагини юзига босганида кўзи яна очилгани ҳақида фикр юритдим. Ўзимга ўзим: «Юсуфнинг кўйлагида нима бўлиши мумкинки, бундай шифога сабаб бўлса ва кўз ўз ҳолатига қайтса?», дедим. Тўлиқ ишонч билан айтаманки, бу қисса Аллоҳнинг мўъжизаси бўлиб, Аллоҳ уни Юсуф алайҳиссалом орқали ижро эттирган. Ишончим комилки, бу ерда фақат руҳий даво эмас, балки моддий шифо ҳам бўлган. Қуръоннинг ҳақ эканини тасдиқлаш учун бу масалани ўрганиб, охирига етказишим керак эди. Мен бу масала устида тадқиқот ўтказдим ва Аллоҳ мени бунга муваффақ қилди.
Савол: Қуръони каримнинг Юсуф сурасида «Ғам-алам ютавериб, унинг кўзи оқарди», дейилади. Кўзга оқ тушиш ҳолатини тиббиёт фани нуқтаи назаридан шарҳ қилиб бера оласизми? Кўзга оқ тушиши тиббиётда нима деб аталади?
Жавоб: Кўзга оқ тушиши – кўз гавҳарининг хира тортиши бўлиб, замонавий табобат илмида «катаракта» дейилади. Бунда кўз гавҳарида хиралик пайдо бўлиб, келадиган нурни қисман ёки тўлиқ тўсиб қўяди. Баъзида бу хиралик юқори даражасига етганда кўзнинг кўришини шу даражада заифлаштирадики, ҳатто кўзнинг олдида ҳаракатланган қўлни ҳам кўрмай қолади. Кўзга оқ тушиши, яъни катарактани илмий изоҳласак, кўзнинг гавҳаридаги суюқлик аслида шаффоф бўлиб, суюқ протеин моддадан иборат бўлади. Протеиннинг таркиби, ҳолати ўзгарса, бу суюқлик хиралашиб, кўришни сусайтиради. Хиралашиш бошлангач, аста-секин кучайиб боради. Натижада кўзда хиралик пайдо бўлиб, унинг ортидаги нарсаларни кўриш мумкин бўлмай қолади. Мана шу кўзнинг хиралашиш ҳолатидир.
Савол: Катарактанинг пайдо бўлиши, яъни кўзга оқ тушишининг асл сабаблари нима? Ғам-андуҳнинг мусибатга нима алоқаси бор? Зотан, Қуръони карим Яъқуб алайҳиссаломнинг кўзидаги мусибат сабабини суюкли фарзандлари Юсуф алайҳиссаломни йўқотганлари учун чеккан ғам-андуҳларидан деб баён қилади.
Жавоб: Кўзга оқ тушиши ёки хиралашишининг зоҳир бўлишида кўплаб сабаблар бор.
1. Механик, жисмоний сабаб. Инсон кўзи баъзан турли омиллар таъсири остида шикастланади, қаттиқроқ нарса кўзнинг шох пардаси ичидаги гавҳарга тегиб, протеин табиатининг ўзгариб кетишига сабаб бўлади. Ушбу зарбанинг нуқтасида протеиннинг тартибли тузилмасига шикаст етади ва бу шикаст аста-секин нур таралишига зарар етказиб боради.
Abduqadir Sattarov, [26.01.19 11:19]
2. Ҳарорат. Касб тақозоси билан баъзи кишиларнинг кўзи доимий юқори ҳарорат таъсирида бўлади. Мисол учун, новвойлар юқори ҳарорат остида, қаттиқ иссиқда ишлашади. Агар бу юқори ҳарорат давомий бўлса, аста-секин кўз ҳам ташқи муҳитга мослаша олмай қолади ва унда ўзгаришлар юз беради. Шунингдек, чақмоқ, радиация каби ташқи таъсирлар ҳам оғир асоратларга олиб келиши мумкин. Бунинг натижасида вужудга келган касаллик «радиация катарактаси» (radiation cataract) дейилади. Кўзларини тўсмай ишлайдиган пайвандчиларда ҳам шундай хасталик юзага келиши мумкин. Шунингдек, бу касалликнинг ёш ўтгандан кейин пайдо бўладиган тури ҳам бор бўлиб, «кексайиш катарактаси» (senile cataract) дейилади. Инсон кўзининг шох пардасидаги протеин у туғилиб, улғайгунга қадар ўзгармайди. Қариганда эса касалликнинг илк аломатлари пайдо бўлади ва бу жараён давом этиб, кўз буткул хиралашиб қолади. Баъзи бошқа касалликлар, масалан, қандли диабет касаллиги ҳам кўз гавҳари атрофида суюқликнинг кўпайишига сабаб бўлади. Бу касаллик ҳам кўз гавҳарининг сувини «шимиб» олади. Натижада катаракта касаллиги пайдо бўлади. «Хафаликнинг кўзга оқ тушиб, хира тортишига алоқаси борми?» деган саволингизга тўхталадиган бўлсак, албатта, бунинг алоқаси бор. Чунки қаттиқ ғам чекиш, доимий хафалик ҳам адреналин гормонининг кўпайишига сабаб бўлади, бу эса инсулин миқдорига салбий таъсир кўрсатади. Натижада қандли диабет касаллигининг пайдо бўлиши ёки кучайишига сабаб бўлади. Мана шу нарса кўз хиралашишининг сабабларидан бири бўлиб, бунга қўшимча равишда кўп кўз ёки тўкилиши ҳам ана шундай касалликни келтириб чиқаради.
Савол: Бу касаллик бошланишининг аломати борми?
Жавоб: Кўзга оқ тушишининг илк аломати шуки, бунда инсон кундузи ҳам кўз олдини булут қоплаб олгандек ҳис этади.
Савол: Кўзга оқ тушишининг тиббий муолажаси борми? Бор бўлса, бу муолажадан сўнг кўз аввалги ҳолатига қайтадими?
Жавоб: Ҳозирги кунда бизнинг муолажамиз анъанавий жарроҳлик йўли билан хиралашган гавҳарни олиб ташлаш ёки гавҳар протеинини шилиб ташлаб, парданинг ичига сунъий гавҳар қўйишдан иборат. Албатта, бунда кўз ўзининг асл ҳолатига тўлиқ қайтмайди, аммо кўриш сезиларли даражада тикланади. Яна баъзи кўзга томизиладиган томчи дорилар борки, улар ўша хира тортишни кечиктиришга хизмат қилади.
(давоми бор)
“Қуръон ва Суннатдаги илмий мўъжизалар” китобидан
Abduqadir Sattarov, [26.01.19 11:20]
Катарактанинг давоси (давоми)
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
(Қуръоний дори)
Савол: Кўзга оқ тушганда жарроҳлик ёки дори томизишдан бошқа муолажалар ҳам борми?
Жавоб: Илмий қўлланма ва илмий назарияларда умумий уринишлар бор. Улар кўпроқ протеинни алмаштиришга, хусусан, оқ тушган кўзни аввалги ҳолатига қайтаришга қаратилган. Гоҳида кимёвий йўл билан имкон топилади. Бу ўзгартириш жузъий холос, мукаммал бўлмайди. Аммо кимёвий йўлни кўз гавҳаридаги протеинга қўллаш мумкин эмас.
Савол: Мана шундай нуқсонли ечимларгина мавжуд бўлган касалликка қандай қилиб сиз Қуръони карим орқали даво топдингиз?
Жавоб: Юқорида айтиб ўтганимдек, кўз гавҳарининг ташқи юзаси парда билан қопланган бўлиб, унда протеин бор. Ўша протеиннинг таркиби ўзгарса, гавҳарнинг ҳолати ҳам ўзгариб, оқибатда хиралик келиб чиқади. Шунинг учун биз ўша протеиндаги физиологик ўзгаришни тиклашнинг табиий услубини қидирдик. Бунда бизга Юсуф сурасидаги қуйидаги оятлар ёрдам берди:
«У булардан юз ўгириб, «Эсизгина Юсуф!» деди ва қайғудан кўзларига оқ тушди. У дардини ичига ютди (ожиз бўлиб қолди)» (84-оят). Юсуф алайҳиссалом Роббимиздан келган ваҳий сабабли акаларидан оталари ҳузурига кўйлагини олиб боришни талаб қилдилар:
«Мана бу кўйлагимни олиб бориб, отамнинг юзига ташлангиз, кўзи очилур. Сўнг барчангиз аҳлингиз ила ҳузуримга келинглар. Карвон (Мисрдан) йўлга чиққан вақтда оталари (Яъқуб алайҳиссалом ўз уйларида туриб, ҳузиридаги кишиларга): «Мени ақлдан озган деманглар у, лекин мен Юсуфнинг ҳидини сезмоқдаман», деди. Улар: «Аллоҳга қасамки, албатта, сен эски адашувингдасан», дедилар. Хушхабарчи келиб, (кўйлакни) унинг юзига ташлаган эди, у яна кўрадиган бўлди. У: «Мен сизларга: «Аллоҳдан сизлар билмайдиган нарсани биламан», демаганмидим?» деди» (Юсуф сураси, 93–96-оятлар).
Юсуф алайҳиссаломнинг кўйлакларида қандай шифо бўлиши мумкин эди? Бу ҳақда ўйлаб-ўйлаб, тердан бошқа нарсани топмадик. Шундан сўнг инсон танасидан ажраладиган тернинг таркибий элементларини ўргандик. Анъанавий жарроҳлик йўли билан кўздан чиқариб олинган, хиралашган гавҳарни олиб, терга ботириб кўрганимизда унинг бироз шаффофлашганини кўрдик. Сўнгра савол туғилди: бу ҳолатда тердаги барча моддаларнинг шундай таъсири борми ёки ундаги қайсидир бир модданингми? Жавоб шуки, бу унинг таркибидаги бир модданинг – карбамиднинг («мочевина») таъсири экан. Бу моддани кимёвий усул билан ҳам тайёрлаб, лаборатория шароитида кўзи хиралашган ёки кўзига оқ тушган ҳайвонларда синаб кўрилди. Бироқ кузатувлар давомида кимёвий йўл билан тайёрланган ўша малҳам бу касалликни тузатмади, балки кўз гавҳарига оқ тушишига сабаб бўлди. Бу нарса йўналтирилган махсус чироқ (slit lamp), ультратовуш ҳамда кўз гавҳаридан аксланган ультрабинафша нур ёрдамида текшириб кўрилди. Бундан кейин компьютердаги физиологик окулярда 250 минг доллар тўлаб, ярим соат тажриба ўтказилганида унинг ёруғлик акслантириш даражаси 2 фоиздан ошмади. Лекин инсон теридан тайёрланган томчи қуйилганда 15 дақиқада 2 фоиздан 60 фоизга ёруғлик дарчаси очилди. 20 дақиқада 90 фоизга зиёдалашди. 30 дақиқада 95 фоизга зиёдалашди. 60 дақиқада 99 фоизга зиёдалашди.
Савол: Бу томчида ножўя таъсирлар кузатилдими?
Жавоб: Мутлақо. Тер танадан ажралиб чиқадиган модда бўлиб, юқорида айтганимиздек, унинг таркиби карбамиднинг таркиби билан деярли бир хил. Шунинг учун бу малҳам концентрациясини ўн баробарга ошириб, ҳайвонларда тажриба ўтказиш лозим. Бунда малҳам организмга оғиз орқали ёки бевосита юракнинг протеин пардасига киритиш орқали сингдирилди. Ушбу тажрибада ҳам ножўя таъсирлар кузатилмади, малҳам жигар, буйрак, мияга ёки қон таркибига умуман таъсир кўрсатмади.
Савол: Бу тажриба қуёнлар устида ўтказилган экан. Агар буни инсоннинг физиологик кўзи устида ўтказилса, нима бўлади?
Abduqadir Sattarov, [26.01.19 11:20]
Жавоб: Бундай тажриба 250 та кўнгилли иштирокчи устида ўтказилганида 90 фоиздан кўпроқ кишиларнинг кўзидаги оқлик кетиб, кўриши аввалги ҳолига қайтди. Клиник текширувлар шуни кўрсатдики, қолган 10 фоиз кишиларнинг кўз гавҳарида шаффофлик кузатилган, бироқ кўз тўрида бошқа касаллик бўлгани учун уларнинг кўриши яхшиланмаган.
Савол: Ана шу томчи кўздаги катарактадан бошқа кўз касалликларига шифо бўла оладими?
Жавоб: Ҳа, кўздаги шох пардага ҳам шифо бўлади. Кўз заифлашганда оқлик юзага келиши ана шу шох парда сиртида содир бўлади. Бу қон қуйилгандаги ёки шох парда таркибидаги протеинининг табиатида ўзгариш бўлгандаги ҳолатдир. Тажрибалардан собит бўлдики, ушбу томчини икки ҳафта давомида ҳар куни икки мартадан қуйиб борилса, кўриш хусусияти яхшиланиб, асл ҳолига қайтади.
Савол: Шох пардадаги оқлик авваллари қандай муолажа қилинар эди?
Жавоб: Авваллари ўлган кишининг кўз шох пардасини кўчириб ўтказиш орқали муолажа қилинар эди. Илова қилиб айтадиган бўлсак, бунда кўриш қуввати аввалги ҳолига қайтмас эди.
Савол: Сиз ўзингизни қандай ҳис қилдингиз? Чунки сиз бутун инсониятга Қуръон воқелигидан муолажа тақдим қилдингиз. Ваҳоланки, ичимиздаги баъзи кишилар дунёвий ишларга ёки илмий баҳсларга Қуръоннинг алоқаси йўқ деб ҳисоблашади.
Жавоб: Мен бу ишим билан илмнинг закотини адо қилдим, деб ҳисоблайман. Ахир молнинг закоти чиқарилганидек, илмнинг ҳам закоти чиқарилади-ку? Ахир илм инсонларнинг яхши кунига хизмат қилиши керак! Бундан ташқари, ушбу амалий тажриба сабабли Қуръони каримнинг азаматини ва улуғлигини яна бир бор ҳис этдим. «Қуръонни мўминлар учун шифо ва раҳмат ўлароқ нозил қилурмиз. У золимларга зиёндан бошқани зиёда қилмас» (Исро сураси, 82-оят). Шунга биноан, бу улуғ Китобга қайтишни умид қиламан. Агар ҳақиқий маънода қайтсаккина, аввалги давримизни қўлга киритиб, бутун инсониятни ҳидоятга чорлай оламиз.
Савол: Бу дори бозорларга чиқарилганида унга «Қуръоний дори» деб ишора қилинадими?
Жавоб: Ҳа, биз бу дорини ишлаб чиқарувчи ширкатга «Бу Қуръоний дори», деб ёзиб қўйишни шарт қилганмиз. Токи бутун олам ана шу Қуръоннинг ростлигини, дунё ва охиратда одамларни бахтли қилишда фаол эканини билсин. Суҳбатимиз охирида янги бир баҳсни, Расулуллоҳ (соллаллоҳу алайҳи васаллам) ҳадиси шарифда васф қилганларидек, кўз тиббиётидаги бошқа бир дорини тақдим этмоқчиман. Расулуллоҳ (соллаллоҳу алайҳи васаллам) «Қўзиқорин ҳам бир овқат тури бўлиб, унинг суви кўз учун шифодир», деганлар.
Иншааллоҳ, Аллоҳнинг изни билан мана шу баҳс ҳам келажакда кенг қамровли илмларни очиб беради.
“Қуръон ва Суннатдаги илмий мўъжизалар” китобидан
Комментариев нет:
Отправить комментарий