Табиатнинг шифобахш неъмати кивида ҳам витаминлар комплекси, углеводлар, оқсил, целлюлоза (клетчатка) етарлича топилади.
Шунингдек, киви таркибида В гуруҳидаги барча витаминлар, С витамини, фоли ва никотин кислотаси ҳамда А, Е, D, витаминлари, микро ва макроэлементлар (магний, калий, натрий, кальций, темир, фосфор, рух ҳамда марганец) сақланади.
Кивининг тўлиқ таркибини моносахарид, дисахарид ва
целлюлоза (клетчатка) ташкил этади. Бу меванинг 100 граммида 50 ккал бор. Бу эса кивининг парҳезбоп мева эканлигидан далодатдир.
Тиббиётда аниқланишича, бир дона кивида 250 мг С витамини мавжуд. Аскорбин кислотаси организмга, айниқса, баҳорда, иммунитет кучсизланганда жуда зарур.
ФОЙДАЛИ ХУСУСИЯТЛАРИ
Юқорида айтиб ўтганимиздек, киви С витаминига бой. Бу эса шамоллаш билан боғлиқ хасталиклар, юқумли инфекцияларни организмга яқинлаштирмайди ва иммун тизимини мустаҳкамлайди.
Уни ҳар замонда истеъмол қилиб туриш ошқозон-ичак фаолиятининг яхшилайди, шунингдек, овқат ҳазм қилиш, моддалар алмашинуви жараёнини меъёрлаштиради.
Кивини тушлик ва кечки овқатдан кейин истеъмол қилиш мумкин. Бу билан жиғилдон қайнашининг олди олинади.
Бундан ташқари, киви таркибидаги микроэлементлар қон босимининг ошиши ва юрак-қон томир етишмовчилигида ҳам фойдали. Томирлар деворини мустаҳкамлаб, атеросклероз ва тромбоз хавфини камайтиради.
Стресслар ва давомли тушкунликдан қутулиш учун мутахассислар кунлик овқатланиш рационига кивини киритишни тавсия қилишади.
Киви организмдан нафақат инфекцияни, балки туз ва қумларни ҳам ҳайдаб чиқаради. Бу билан эса организмда тош пайдо бўлишига йўл қўймайди.
ХОЛЕСТЕРИНДАН ХАЛОС ЭТАДИ.
Норвегиялик олимлар қондаги холестеринни камайтириш, қон томирларини тозалаш ва тромблар пайдо бўлиши, инсульт ҳамда инфарктнинг олдини олиш учун ҳар куни 2-3 дона киви истеъмол қилишни маслаҳат бермоқда. Тадқиқотчиларнинг таъкидлашича, киви аспирин ўрнини босиши мумкин, бироқ унинг ножўя таъсиридан эҳтиёт бўлинг.
Немис кардиологлари эса кивининг қондаги холестеринни камайтирувчи, қон босимини меъёрга келтирувчи ва юрак-ишемик касаллигида бемор аҳволини яхшиловчи дармондори эканлигини аниқлашди.
Бу мевани севиб истеъмол қилувчиларда саратон касаллиги, айниқса, ичак саратони хавфи камаяди. Мева ичидаги майда данакчалар ичакни тозалаб, зарарли моддаларни шимиб олади.
КОСМЕТОЛОГИЯДА…
Кивининг пўчоғини ташлаб юборишга шошилманг. Чунки ундан юз учун ниқоб тайёрлаш ёки шунчаки ички томонини юз ва бўйинга суртиш орқали юз терисини тетиклаштириб, таранглаштириш ҳамда ёшартириш мумкин.
Кивига йогурт (нормал юз териси учун), асал (қуруқ юз учун) ёки творог (қўшимча намлантиришга муҳтож тери учун) аралаштириб, юзингизга суртинг. Бундай ниқобдан сўнг юзингизга терини юмшатувчи крем суртишни ҳам унутманг.
МЕЪЁРГА АМАЛ ҚИЛИНГ!
Ошқозон яллиғланиши, ошқозон ва ўн икки бармоқли ичак яраси ҳамда овқат ҳазм қилиш тизимининг бошқа касалликлари кучайганда кивини вақтинча истеъмол қилмаслик лозим.
Яна бир салбий томони, киви баъзида (айниқса, болаларда) аллергия қўзғатиши мумкин.
Ҳозирча олимлар бунинг сабабини аниқлашгани йўқ. Аллергияга тропик мевалар таркибидаги алоҳида оқсил сабаб бўлиши мумкин, деган тахмин мавжуд, холос. Олимларнинг фикрича, кунига 1 дона киви болалар учун хавфли эмас, аммо эҳтиёт бўлган маъқул. Кивини болаларга бир ёшгача, агар аллергияси бўлса, 3 ёшгача бериш мумкин эмас. Шунингдек, киви катталарда ҳам аллергия қўзғатиши эҳтимолдан холи эмас.
Яқинларингизга ҳам улашинг.
Cоғлиғингиз учун севимли канал . Сизлар билан доим Каналга аъзо бўлиш учун линкни босинг👇👇👇
www.malhamuz.blogspot.com
🌹
🌿 🍒💞🍇 телеграмда @malhamuz
Комментариев нет:
Отправить комментарий