Қорин овқатга тўла бўла туриб алоқа қилмаслик керак, чунки бу ҳазмга тўсқинлик қилиб, тўлиқлик устига ҳаракат қилишдан келиб чиқадиган касалликларга тез ва оғир таъсир қилиб учратади. Агар бу ҳол бирор кишида юз бериб қолса, овқат меъдада ўрнашсин ва у сузиб юрмаслиги учун
алоқадан кейин бир озгина ҳаракатда бўлиб,кейин мумкин қадар купроқ ухласин.
Оч қоринга ҳам алоқа қилмаслик керак,чунки бу янада зарарлироқ, табиатга оғирроқ ва туғма иссиқликни ўлдирувчанроқ бўлиб, эриш ва ингичка оғриқ касаллигини келтириб чиқаради, балки алоқа таом меъдадан пастка туша бошлаб биринчи ва иккинчи ҳазм камолга етгандан кейин учинчи ҳазм ўрталарида бўлиши керак.
Бу учинчи ҳазм турли кишиларда турлича бўлади . «Алоқа , ҳазм ҳар жиҳатдан тугаллангандан кейин бўлиши керак » деган кишиларнинг сўзларига илтифот қилинмасин, чунки бу вақт баданда сингдиришиши бошланиб ва азоларнинг ҳаммасида ҳазм бўлаётган озиқдан қолдиқ бўлиб, меъданинг бўшаган вақти бўлади.
Одамлар борки, уларда бу хил ҳолатнинг вақти кечанинг аввалига тўғри келади; бу юқорида айтилганларга биноан улар учун алоқага энг мувофиқ вақт бўлади; иккинчи томондан ҳам фойдаси борки, бундан кейин узоқ уйқу бўлиб, қувват қайтиб келади, хотин узоқ вақт ухлаганида бачадонида уруғ жойлашиб қарор топади. Алоқа соғлом ва ҳақиқий истак билан бўлиб, қараш, ўйлаш, қашиш ва қичиш қўзғатган истаклар билан бўлмаслиги керак, балки у истак уруғ кўплиги ва тўлалиги билан қўзғалган бўлиши керак .Булар эрлик қувватининг соғлом бўлишига ёрдам беради.
Меъда бузилган вақтда шунингдек, қусиш ва ични суриш билан кучли бўшатишдан кейин, хайз ва қонли ич кетишидан кейин ва жисмоний ва нафсоний харакатлардан кейин, сийиш ва ахлат чиқариш чоғида ва томирдан қон олишдан кейин алоқа қилишдан қочиш керак.
Ич кетишининг эскирганига келсак, уни жинсий алоқа моддани қуритиши ва ичакдан бошқа томонга йуналтириши билан қуритади. Иссиқ вақтларда ва иссиқ жойларда алоқадан сақлқниш керак. Эркак киши бадани қизиб ёки совуб турганида алоқадан қочиши керак; бироқ бадан қизиб турганда алоқа қилиш — совуб турганида алоқа қилганидан кўра беҳавотирроқдир; шунингдек, кишининг бадани ҳўл бўлганидан кейин алоқа қилиш -бадан қуруқлигида алоқа қилишдан яхшироқ.
Мўътадил мижозлилар учун, тажрибада аниқланишига кўра, алоқанинг энг яхши вақти шуки, бунда киши бирмунча вақт аолоқа қилмай кейин алоқа қилса, ўзини соғлом, енгил ва ҳисларини ўткир сезади.
Бола бўладиган ва бола бўлмайдиган уруғ
Маст киши, қариган киши, бола ва кўп алоқа қилувчи кишиларнинг уруғида бола бўлмайди. Аъзоларига офат етган кишининг уруғидан соғлом бола туғилиши камдан кам бўлади. Олат жуда узун бўлса, уруғнинг ҳаракат қилиш масофаси узоқ бўлиб, у туғма ҳарорати синган ҳолда бачадонга етиб келади, бундай уруғ, кўпинча бола бермайди.
Яқинда алоқа қилган кишининг белгиси
Унинг сийдигида бир-бирига чувалашган иплар ва тармоқлар бўлади.
Мақола сизга ёқдими? Ундай бўлса, дýстлар билан улашинг!
Канал материалларидан тўлиқ ёки қисман фойдаланилганда канал-юзер манзили кўрсатилиши шарт!
Барча ҳуқуқлар амалдаги қонунчиликка биноан ҳимояланган БИЗГА ҚЎШИЛИНГ📌 🌷 ☝🏻 Мақола ёққан бўлса Дўстларингиз билан бўлишинг
- Фойдали ва саломатлигиз учун керакли канал😻💞. Ранг баранг хабарлар ,турли касалликлар ва уларни олдини олиш. Яқинларингизга улашинг ,Сизлар билан доим Каналга уланиш учун линкни устига босинг👇
телеграмда 👉 @malhamuz ёки cайтда👉👇
www.malhamuz.blogspot.com
🌹
🌿🥀🌹🌺 💞🙏
Комментариев нет:
Отправить комментарий