ЗАНЖАБИЛ

ЗАНЖАБИЛ

ЗАНЖАБИЛ ЎСИМЛИГИНИНГ ТОМИРИ, АРАБ ТИЛИДА “ЗАНЖАБИЙЛ”, РУС ТИЛИДА “ИМБИР” ДЕЙИЛАДИ.

Занжабил иссиқ мамлакатлардан, хусусан Ҳиндистон, Эрон ҳамда Хитойнинг баъзи иссиқ ерларидаги сувларнинг бўйларида ўсадиган кўп йиллик ўсимликнинг томири бўлиб, мизожи иссиқ ва қуруқдир.

Хоссалари: Мия ва тана аъзоларининг барчасидаги ҳамда қон томирлардаги тиқилмаларни очади, танани қиздириб, мизожни

иситади. Хотирани кучайтириб фаҳмни орттиради.

 Бадандаги ортиқча (рутубат) ҳўлликларни қуритади, бурун, томоқ, қулоқдаги шамоллаш ва яллиғланишларни кетказиб, тумов ва гриппни бир ўзи тез фурсатда даволайди. Тана ва ўпкадаги ортиқча балғамларни қуритади, қизил ўнгач, ошқозон, ошқозон ости безидаги ҳамда ичаклар ва қорин бўшлиғидаги шамоллашларни ҳамда яллиғланишларни тез фурсатда даволайди. Қорин ва ичаклардаги ёғларни эритиб оздириш хусусиятига ҳам эга.

Эрлик уруғини кўпайтириб, шаҳвоний ҳисни қўзғатади. Простата бези шамоллашларини тезда даволайди. Бўғинларга ҳамда ўғил болаларнинг қовуқларига асалга аралаштириб чапланса, бўғинлардаги тузларни эритиб ёш болалардаги сийиб қўйишликни даволайди.

Истеъмол қилиш услуби: 100 грамм майдалаб талқон қилинган занжабилни 100 грамм новвот ёки 600 грамм тоза асалга аралаштириб, бир чой қошиқдан уч маҳал оч қоринга истеъмол қилинади. Уни тўлдирилмаган бир чой қошиғини 250 грамм қайноқ сувга солиб, устидан бир ош қошиқ новвот солиб 3-4 дақиқа дамлаб ичиб ётилса, грипп ва тумовларни ҳамда бош оғриқларини тезда бартараф қилади. Уни қора мурч ўрнида суюқ овқатларга солиб ичилса, яхши терлатади. Гўштларнинг мориновкасига ишлатилса, уларни юмшатади.

Уни Хитой тилида “жангпийза” дейилиб, Уйғур ва Хитойлар лағмон, гампан ва барча таомларида гўштни қовураётганларида занжабилдан солиб қовурадилар. Унинг учун ярим кило гўштни қозонга солиб қовураётган вақтда бир чой қошиқ занжабил талқонидан қўшиб қовурилади. Бу усул, таомни хушхўр ва шифобахш қилади. Ўзи бир оз аччиқроқ бўлсада қовурилаётганда аччиғи мутлақо йўқ бўлиб кетади. У Қуръони Каримнинг «Инсон» сурасида Жаннатнинг васфи ҳақидаги оятларда зикр қилинган.                                                                             

🌴 ДОРИШУНОСЛИК/ТАБИИЙ ДОРИЛАР🍃

Бепуштликка табиий дори

2 литрлик банкага 1 литр соф асал солинади, сўнгра бироз намланиб гўшт қиймалагичдан ўтказилган;

бир ҳовуч сояки қора майиз, бир ҳовуч табиий қантак ўрик, бир ҳовуч хандон писта,

бир ҳовуч бодомва шунча ёнғоқни солиб, ҳаммаси қўшиб аралаштирилади. Агар бу аралашмага қўшимча тарзда 20 чой қошиқ ҳоввончада майдаланган гулчанг (цветочная пьлца) қўшилса, дорининг шифобахшлиги янада ортади. Наҳорда бир ош қошиқдан мунтазам тановул қилишга одатланилса, албатта эркак ва аёлнинг пуштдорлиги ортади.