Ғани МАЖИД хандалар

ЖОНГА ҚАСД     Ғани МАЖИД

  Йигит қизга:

  -Агар менга тегмасангиз жонимга қасд қиламан,-деди.

  Тўйдан бир йил ўтгач йигит шуни англадики, у қизга уйланиб жонига қасд қилган экан.

Томоқни қиришнинг  фойдаси

  -Нега ха деб томоғингизни қироврасиз?-дебди хотин эрининг томоқ қиришидан ғаш

келиб.

  -Ариларни ҳайдаш учун-жавоб берибди эр.

  -Ахир уйда ҳеч қандай ари йўқ-ку?-хайрон бўлибди хотин.

  -Ана, кўрдингми, томоқ қиришнинг фойдасини,-дермиш эр.

Шикоят

  -Қани, сиз нимадан шикоят қиласиз?-деб сўрабди қабулига келган навбатдаги кишидан бошлиқ.

  -Котибангиздан.

  -Котибам сизга нима қилди?-сўрабди бошлиқ.

  -Бир соат аввал келиб бир оғиз гапим бор, десам навбатга ёзилинг, бизда тартиб шундай, деб туриб олди.

  -Тўғри, бизда тартиб шундай-дебди бошлиқ.

  -Тўғри-ку-я, лекин мен уйингизга ўт кетганини айтгани келгандим-да.

Фаросатсизнинг  жазоси

  Меҳмоннинг пиёлага сигарет кулини ташлаётганини кўрган мезбон унга кулдонга чой қуйиб узатибди.

  -Ия, бу нима қилганингиз?-сўрабди меҳмон.

  -Кечирасиз, мен сизларда пиёлага кул ташлаб, кулдонда чой ичиларкан, деб ўйлабман, - дебди мезбон.

Мунажжимлар башорати

  -Дўстим менга ўн минг бериб туролмайсанми?

  -Афсуски, иложим йўқ.

  -Нега?

  -Кеча мунажжимлар башоратида эртага ҳеч ким билан пул алоқа қилманг, деган.