кўзларимни очгил

ОЛЛОҲ,

                                    КЎЗЛАРИМ ОЧГИЛ

                                 Марҳум шоир дўстимиз

                                 Қобил Мирзонинг тилаги

                                 Оллоҳ, кўзларим очгил,

                                    олам..жаҳонни кўрай,

                                 Қудратингга тан бериб,

                                      еру осмонни кўрай!

                               

                                 Оламда сон..саноқсиз,

                                 одам ҳамда жонзот бор,

                                 Жонзотларнинг аълоси

                                 борлиқ инсонни кўрай!

                               

                                 Ақлу идрок, онг бердинг,

                                     бисёр эрур шуурим,

                                 Кошки кўзларим очсанг,

                                  боқиб, ҳар ённи кўрай!

                               

                                  Қулоқларим эшитиб,

                                 онгим қилур тасаввур,

                                 Ёру дўстларни қучиб,

                                 ҳар тирик жонни кўрай!

                                

                                 Етти қат осмон билан

                                 кенг заминни яратдинг,

                                 Бу заминда неки бор,

                                 борлиқ имконни кўрай!

                           

                                 Мени ақл..идрокли,

                                 кўркам қилиб яратдинг,

                                 Ўзимдаги бор вужуд,

                                 дин, иймонни бир кўрай!

                           

                                 Эй Худоё, Суҳайлий

                                 дўстига шодлик тилар,

                                Дер ҳанузким дилдаги

                                 шубҳа, гумонни кўрай!  (Сухайлий-ҚоражонҚодиров)