нигохинг аро

НИГОҲИНГ АРО

Меҳр-ла сийлаган нигоҳинг аро...

                            Нозим Расул

Қандайдир ёқимли маъно сезаман,

Нигоҳингни ўйлаб ёлғиз кезаман,

Сен учун кимман ахир ўзи ман?

Меҳр-ла сийлаган нигоҳинг аро.

Мунис нигоҳларинг уйғотар умид,

Топарманми қулфи дилингга калит?

Изларингни излаб кезгум мисли ит,

Меҳр-ла сийлаган нигоҳинг аро.

Нигоҳинг тушган кун мен учун байрам,

Телбалар қилмаса илоҳим мани,

Кутиб яшаяпман қўлингни сани,

Меҳр-ла сийлаган нигоҳинг аро.