💦💦💦
Азизларим, мехрибонларим,
Дўсту ёрон, қадрдонларим,
Жонингизга куяр жонларим,
Ўзингизни эхтиёт қилинг.
💦💦💦
Тириклик деб, чопган оталар,
Рўзғорим деб, шошган оналар,
Жонингизга куймас болалар,
Ўзингизни эхтиёт қилинг.
💦💦💦
Таранг-таранг тортилар асаб,
Емираркан инсонни ғазаб,
Қон томирлар бунча мўрт, ё Раб?!
Ўзингизни эхтиёт қилинг.
💦💦💦
Ўнг томонда жойлашса юрак,
Бўлмасмиди шунчалар хуркак,
Чиқса чиқар гуручдан курмак,
Ўзингизни эхтиёт қилинг.
💦💦💦
Тортишувда бир сўздан қолиб,
Нохуш гапни хазилга олиб,
Дилозорни Худога солиб, Ўзингизни эхтиёт қилинг.
💦💦💦
Эй дўст, хар не касби корингиз,
Ҳамроҳ сизга ташвиш, зорингиз,
Ёнингизда юрсин дорингиз,
Ўзингизни эхтиёт қилинг.
💦💦💦
Ўлим - ёмон, дахшатли тақдир,
Аммо дўзах олдида бахтдир,
Асли ўша оловдан ҳозир,
Ўзингизни эхтиёт қилинг.
💦💦💦
Энг аввало ношукр бўлманг,
Жоҳил билан ҳамфикр бўлманг,
Беибодат, безикр бўлманг,
Ўзингизни эхтиёт қилинг.
💦💦💦
Хаққингизни бермаса бахил,
Кўргизсалар зулуму қахр,
Ҳисоб куни келар-ку ахир,
Ўзингизни эхтиёт қилинг.
💦💦💦
Қандай шараф - АЛЛОҲга қайтиш?!
Шартмас шунча ўлимдан қўрқиш,
Охиратда қолган ҳамма иш,
Ўзингизни эхтиёт қилинг.
💦💦💦
Сизга санчиб сўзнинг найзасин,
Яйраса шу нодон яйрасин,
Сукут билан енгинг хаммасин,
Ўзингизни эхтиёт қилинг.
💦💦💦
Кечирганни кечирур АЛЛОҲ,
Паноҳ берган топади паноҳ,
Ёмонликдан не чиқади, ох!
Ўзингизни эхтиёт қилинг.
💦💦💦
Дўст томонга талпининг хар дам,
Кўринг қувонч ташвишни баҳам,
Одам тафтин олади одам,
Ўзингизни эхтиёт қилинг.
💦💦💦
Қуръон, ҳадис, шеърият, санъат,
Доно билан бир ширин суҳбат,
Шу эмасми сиз қидирган жаннат?
Ўзингизни эхтиёт қилинг.
💦💦💦
Ғам келганда куюниб кетманг,
Бахт келганда суюниб кетманг,
Сокин яшанг, осуда яшанг,
Ўзингизни эхтиёт қилинг.
💦💦💦
Кўзлар хали кўриб турганда,
Юрак хали уриб турганда,
Оёгингиз юриб турганда,
Ўзингизни эхтиёт қилинг.
💦💦💦
Елкангизда икки фаришта,
Уларнинг қўллари ёзишда,
Ўзингизни эхтиёт қилинг.
💦💦💦
Шукр дўстлар, борингиз учун,
Фарзанд, жигар, ёрингиз учун, ХАМДА МЕНДЕК БИР ИНСОН УЧУН.
Ўзингизни эхтиёт қилинг!
💦💦💦
Комментариев нет:
Отправить комментарий