ЎЗБЕК АЁЛИ

ЎЗБЕК АЁЛИ

Ким Сизни баҳорга, нурга ўхшатар,
Заминга, чаманга, ҳурга ўхшатар,
Қалбингиз гавҳарга, дурга ўхшатар,
Сиз ерда порлаган қуёшсиз асли,
Мунис, мукаррама ўзбек аёли!

Она Ватан, она халқ, она тили – 
Энг улуғ сўзларга пайвастадилли,

Сиз бор олам турар толеи кулиб,
Қорачиқда ниҳон кўзёшсиз асли,
Мунис, мукаррама ўзбек аёли!

Оилани азиз, муқаддас этган,
Фарзанд бахти учун жонини тутган,   
Сув келса симириб, тош-ғамни ютган,
Ўтдан омон чиққан бардошсиз асли,
Мунис, мукаррама ўзбек аёли!

Гоҳ сўздан тонсалар аҳди ёлғонлар,
Миннатга айланса ризқи ёвғонлар, 
Тор келса замонлар, манзил-маконлар,
Тўмарис момога сафдошсиз асли,
Мунис, мукаррама ўзбек аёли!

Самода порлаган қуёшсиз асли,
Юракларда ёнган оташсиз асли,
Садоқат тимсоли, бардошсиз асли,
Момо Ҳавводек ҳур, нурпошсиз асли,
Мунис, мукаррама ўзбек аёли!
Хуршида Ваҳобжон қизи
👉🏻сайтда www.malhamuz.blogspot.com     янги сайтда  👉  www.tabiblar.uz
🌹 телеграмда 👉   @malhamuz     ёки    👍🏻🙏🌹 онлайн группа 👉@saratondavosi