Бобомурод АБДУЛЛА

ТУҒИЛГАН КУН (ЎЗИМГА НАСИҲАТ)
Ортда қолди яна бир йил, бир эмас, неча имкон?
Босилмай қолган тўғри йўл, босилган қанча тикон?
Нима топдинг, на йўқотдинг? Нима бердинг, на олдинг?
Ҳалолмиди ё ҳаромми, эътиборга олмадинг...
Машҳарга ўхшат бу кунни, айлагин бир машғулот:


Савоб ё гуноҳинг кўпми? Қил ўзингга ҳисобот!
Намозда илғор бўлсанг ҳам, қўйма ўзингга бино!
Ёвдир солиҳ амалларга ҳар қандай кибру ҳаво.
Аллоҳ умр берса сенга, бил-ки, У берди имкон,
"Бўл мўмин! Юр ҳидоятга! Ол, - деб, - жаннатдан макон!"
Насибангдир балки бир кун, бир йил ёки бир аср.
Умрингни ҳақ йўлга сарф қил, қурма нафсингга қаср!
Ибодатни суриб сўнгга, кўриб унда бир озор,
Ғафлатдадир қанча банда, надоматда қай мозор!
"Ҳали вақт бор!" - деб керилма, улгурмаслигинг мумкин.
Балки сенсиз ўтиб кетар келаси туғилган кун...
Туғилган кунда бўларсан бир ҳақиқатдан ғамгин:
Ибтидоингдан кетарсан интиҳоингга яқин.
Кечанг қўлдан кетса ҳам-ки, умидворсан эртангдан.
Тавбага шошилмоқ керак ўлим кунинг келмасдан!
Бобомурод АБДУЛЛА
2018 йил 1 апрель, Тошкент шаҳри📌 🌷 ☝🏻 Шеър ёққан бўлса Дўстларингиз билан бўлишинг
- Фойдали ва саломатлигиз учун керакли канал😻💞. Ранг баранг хабарлар ,турли касалликлар ва уларни олдини олиш. Яқинларингизга улашиинг ,Сизлар билан доим Каналга уланиш учун линкни устига босинг👇👇👇

телеграмда 👉 @malhamuz ёки cайтда👉👇👇👇

www.malhamuz.blogspot.com
🌹
🌿🥀🌹🌺 💞