Хабиб СИДДИҚ

Ҳабиб СИДДИҚ                                     

Ҳ АЁ Т И Й    Ҳ А Н Г О М А Л А Р

ИҚРОР

-Тўполонни қара!.. Ит эгасини танимайди-я!

-Тўғри айтасан, сен ҳам мени танимадинг-а?..

КАМТАР

-Дунёда иккита яхши одам бор, биттаси - сизсиз!

Иккинчисини айтворинг.

-Иккинчисини ҳам ўзингиз айтавермайсизми?

-Менми?... Йўғ-е. Ўзим айтсам нокамтарлик бўлармикин?

ҚОЙИЛ ЭМАС

-Тежамкорлигимга энди қойил қоларсиз, дадаси, - деди бир куни хотини Ҳасисхўжага.- Ўзимнинг эски кўйлагимдан сизга галстук тикиб қўйдим.

-Мутлақо қойил эмасман. Мен сенинг тежамкорлигингга қачон тан беришим мумкинлигини айтайми?

-Айтинг-чи...

-Менинг эски галстугимдан ўзингга кўйлак тикиб олганингда.

РАНГ-БАРАНГЛИК ЯХШИ

-Чучвараларинг ҳар  хилми, хотин,  бири катта,  бири кичик-а?

         -Ахир,  ўзингиз бир хил овқат  еявериш жонга тегди, дедингиз-ку, дадаси.

КЎПРОҚ ЭДИ

         -Театр залида томошабинлар кўпчилик эдими?

         -Унчалик эмас. Ҳар қалай,  саҳнадагилардан кўпроқ эди.

ТАСАЛЛИ

         -Биласизми, кейинги пайтларда хотирам заифлашиб қолгандай туюляпти-да…

         -Йўғ-э, ҳеч ҳижолат тортманг. Хотирангиз аввал ҳам шунақа эди.