Тушунгум булбул оҳини, Сени асло тушунмасман!?..
Тушундим дил гуноҳини, Сени асло тушунмасман!?..
Битилган сўзларинг жумбоқ, босилган изларинг жумбоқ –
Гапирсанг гаҳ бу, гоҳ уни – Сени асло тушунмасман!?..
Узатган гулларинг сўлғин, вале ой юзларинг тўлғин –
Кўзингнинг ўт нигоҳини, Сени асло тушунмасман!?..
Тилимда янгради отинг, умидим тонгидек отдинг...
Қучолмас тун сабоҳини! Сени асло тушунмасман!?..
Билолмам оламинг қайси, сенингсиз йўқ яшаш файзи –
Юрак излайди роҳини – Сени асло тушунмасман.
Бу Хуршида кетар олис – йироқлар ҳис, сўроқлар ҳис:
Қазиб бўлдингми чоҳини? Сени асло тушунмасман!?..
Xurshidabonu Vahobjon qizi
Комментариев нет:
Отправить комментарий