Сўз очсанг гар муҳаббатдан сўз очгил,
Гўзал туйғу, садоқатдан сўз очгил.
Етар энди, жудоликдан гапирма,
Висол они – ҳаловатдан сўз очгил.
Туташмас тоғ ила тоғ дерлар аммо,
Туташ диллар – нафосатдан сўз очгил.
На даркор эй манга, қўй, эртагингни,
Ёруғ толе – саодатдан сўз очгил.
Кичик ташвишларни четга сургил,
Улуғ ният – маҳобатдан сўз очгил.
Дема камёб меҳри бу жаҳоннинг,
Мурувватдан, саховатдан сўз очгил.
Замин етмас эса қадрингга, эркам,
Сени суйган самоватдан сўз очгил.
Ишонч отин қувиб, Хуршида толмас,
Камолатдан, балоғатдан сўз очгил!
Сўз очсанг гар муҳаббатдан сўз очгил,
Гўзал туйғу, садоқатдан сўз очгил.
Етар энди, жудоликдан гапирма,
Висол они – ҳаловатдан сўз очгил.
Туташмас тоғ ила тоғ дерлар аммо,
Туташ диллар – нафосатдан сўз очгил.
На даркор эй манга, қўй, эртагингни,
Ёруғ толе – саодатдан сўз очгил.
Кичик ташвишларни четга сургил,
Улуғ ният – маҳобатдан сўз очгил.
Дема камёб меҳри бу жаҳоннинг,
Мурувватдан, саховатдан сўз очгил.
Замин етмас эса қадрингга, эркам,
Сени суйган самоватдан сўз очгил.
Ишонч отин қувиб, Хуршида толмас,
Камолатдан, балоғатдан сўз очгил!
Комментариев нет:
Отправить комментарий