Узум шарбати

Узум шарбати хотира йўқолишидан сақлайди.

Қизил узум шарбати хотира йўқолиши жараёнини тормозлайди, деб ҳисоблашади америкалик  Цинцинати университети  олимлари.

Олимлар изланиш ўтказиб кўришди. Унда қисман хотира йўқотган кўнгиллилар иштирок этишди. 12 ҳафта мобайнида текширилувчиларнинг бир қисмига узум шарбатини ичишни буюришди, қолган қисмига эса плацебо беришди. Уч ой мобайнида тадқиқот иштирокчилари хотирани текширишга қаратилган тестдан ўтишди. Натижада, табиий шарбат истеъмол қилган гуруҳда  тестлар кўнгиллиларда аҳволи яхшиланганлигини кўрсатди.

Экспертлар бу, узум пўсти ва мағизидаги антиоксидантлар таъсири туфайли рўй беради деб ҳисоблашади.

узр

АБДУЛЛА ОРИПОВ,

Ўзбекистон Қаҳрамони, Халқ шоири

              УЗР

Шоир дейди:- Топдим шон шуҳрат,

Хаёлимни нурга ўрайман.

Ҳасадгўйлар кўп экан фақат,

Мен улардан узр сўрайман.

Бемор дейди: -Ўлдим, тирилдим,

Энди жонни зарга ўрайман.

Бетобликда безовта қилдим,

Дўсту ёрдан узр сўрайман.

Чақалоқ дер:- Салом, эй олам,

Сени шаксиз гулга ўрайман.

Остонангда турибман мен ҳам,

Замин, сендан узр сўрайман.

                                                     10.01.2015 йил.

Дунёдаги энг семиз

Дунёдаги энг семиз одам зотилжамдан вафот этди

Вазни 420 килограммга тенг британиялик Кит Мартин 45 ёшида зотилжамдан вафот этди. Бу одам ўз вақтида расман сайёрамиздаги энг семиз киши деб тан олинган эди. Мартин жарроҳлик йўли билан ошқозонининг тўртдан уч қисмини олдиргандан сўнг, саккиз ой қийналиб яшаб, охири вафот этди.
Марҳумнинг вафотидан кўп ўтмай, уни операция қилган жарроҳ ҳукуматга ариза ёзиб, фастфудга солиқ солишни сўраган. Жарроҳнинг айтишича, беғам Мартин уйда ўтириб, гамбургер, чипс, пончик ва бошқа зарарли таомларни еб, ортиқча вазн тўплаган.

Мартин нонуштада олтита қовурилган тухум, тушликда пицца, Хитой ошхонаси таомлари, шашлик ва биг-маклар ерди. Ҳар куни олти пинта қаҳва ва икки литр газли ичимлик ичарди. Орада доим шоколад, печенье ва бошқа ширинликларни еб юрган.
“У ҳиссий муаммолари туфайли овқатдан таскин излаган ва жуда тез фастфудга ўрганиб қолган. Ҳатто кит ҳам 1 кунда бунча калория қабул қилмайди”, — дейди доктор Кесава Маннур.

Мартиннинг вафотидан бироз олдинроқ, британ телевидениеси у ҳақида “70 Stone & Almost Dead” (“420 килограмм ва деярли ўлган”) деб номланган ҳужжатли фильмни суратга олганди.

Манба: Вести.ру

ютиқ

Agrobank "Фаровонлик" лотереяси натижаларини эълон қилди

 Хабар берилганидек, “Агробанк” акциядорлик тижорат банки томонидан "Фаровонлик" пул-буюм ютуқли, тиражли лотерея билетлари таклиф этилган эди.

Лотерея билетининг баҳоси 5000 (беш минг) сўм бўлиб, ютуқлар тиражи 2014 йилнинг 26-27 декабр кунлари Тошкент шаҳрида ўтказилди.

 Тиражда Ўзбекистон Республикасида ишлаб чиқарилган 10 та Malibu, 10 та Captiva ва 10 та Cobalt русумли автомашиналар, 5 та ТТЗ-80-10 транспорт трактори, 5 та ТТЗ-80-11 чопиқ трактори, 700 та Roison телевизорлари, 1025 та Panda телевизорлари,  625 та Roison музлатгичлари, 625 та Roison кондиционерлари, 625 та Candy кир ювиш машиналари, 625 та Roison газ плиталари ҳамда 1 миллион 113 минг 735 та пул ютуқларидан иборат бўлган жами 22,5 милллиард сўмлик 1 миллион 118 мингта пул ва буюм ютуқлари ўйналди.

 Бугун банк сайтида “Фаровонлик” лотереяси тиражи натижалари маълум қилинди (pdf).

паришонхотирмисиз

ЭС-ҲУШИНГИЗ ЖОЙИДАМИ ЁКИ ПАРИШОНХОТИРМИСИЗ?

TIB.UZ  Руҳият олами ЭС-ҲУШИНГИЗ ЖОЙИДАМИ ЁКИ ПАРИШОНХОТИРМИСИЗ?

1. Атрофдагилар билан суҳбат чоғида хаёлга бериласизми?

2. Доимо орзу қиласизми?

3. Транспортда кетаётиб ўз бекатингиздан ўтиб кетганмисиз?

4. Шахсий автомобилингизни ҳайдаб кетаётиб, керакли муюлишдан ўтиб кетганмисиз?

5. Вақтида овқатланиш эсингиздан чиқиб турадими?

6. Машинангиз рақами доим ёдингизда турадими?

7. Уйдаги телефон рақамларни унутган пайтингиз бўлганми?

8. Уйда керакли буюмни қидириб топишга кўп вақт керак бўладими?

Депрессиянинг сабаблари

Депрессиянинг сабаблари

TIB.UZ  Руҳият олами Депрессиянинг сабаблари

«Эшитишимча, депрессия нафақат кучли стресс, балки касалликлар туфайли ҳам келиб чиқиши мумкин экан. Шу ростми?»

Шуҳрат, Тошкент

– Рост. Айниқса, қандли диабет ва бошқа эндокрин хасталиклар, юрак ишемик касаллиги, юрак етишмовчилиги, саратон (ёмон сифатли ўсма), жигар циррози, ревмотоид артрит, тарқоқ склерозга чалинганларда, бош мия томирлари атеросклерози (инсультдан кейинги ҳолат)да депрессияга мойиллик кучлироқ бўлади. Аффектив ўзгаришлар, шунингдек, авитаминоз, анемия ва айрим дори препаратлари (кортикостероидлар, гипотензив ҳамда ўсмаларга қарши дорилар)ни қабул қилганда ҳам кузатилади. Бундай ҳолатларда чора битта: асосий касаллик депрессия билан қўшиб даволаниши керак.

пўсти билан

Қайси мева ва сабзавотларни пўсти билан истеъмол қилиш мумкин 

Салат, смуза ёки сабзавотли рагу тайёрлаганда олдимизда бир савол туради: масаллиқларни арчиш керакми, йўқми? Энг қизиғи, кўплаб мева ва сабзавотларни пўчоғи билан тановул этса бўлади ва бу ҳатто фойдалидир. Маҳсулотлар пўчоғида каротин каби фойдали моддалар мавжуд. Шунинг учун цитруслар, олма ва бошқа меваларни пўчоғи билан чой, қайноқ ичимликларга соламиз. Қуйидаги шпаргалка эса сизга пўсти фойдали бўлган мева ва сабзавотларни ажратиб олишга ёрдам беради. 

Бақлажонлар