мардлик

         МАРДЛИК  

Абдулла Орипов-

Боболаринг мард бўлган,

Йиқилган полвонни ҳам

Ҳурмат қилиб, камситмай

Ердан турғазиб қўйган.

Эзгуликнинг қошида

 Эриган мисли малҳам,

Лекин, ёвузнинг кўзин

Ўйиб, қўрғошин қуйган.

Боболаринг мард бўлган,

Пойгаю кўпкарида

Меники, деб олмаган

Бировнинг насибасин.

Ўзи кашфиёт ясаб

Илму фан меҳварида,

Пеш қилмаган ҳеч қачон

Шажараю нисбасин.

Боболаринг мард бўлган,

Қозининг тўнин кийиб,

Дабдурустдан ўртага

Қозиман, деб чиқмаган.

Номардларнинг қошида

Юрмаган бўйнин эгиб,

Ўлдирса ҳам душманга

Дўстларини чақмаган.

Боболаринг мард бўлган,

Шеър ёзса ҳам муқаррар

Хаёлида гўёки

Паланг билан олишган.

Майдонда ғолибликка

Кўзи етмаса агар

Бу ишни йиғиштириб,

Ёзмай қўя қолишган.

Боболаринг мард бўлган,

Қадрдон тулпорини

Қариган чоғида ҳам

Қассобга топширмаган.

Гавҳар каби асраган

Ориятни-орини,

Гуноҳи бўлса агар

Бировга оширмаган.

Боболаринг мард бўлган,

Нажмиддин Қубро каби

Керак бўлса, Ватан деб

Туғни тутиб берган жон.

Дилларида иймону

Ҳам озодлик матлаби,

Тушларига киргандир

Турон - мулки Туркистон.

 Бу расмлар Терасава Сенсей деган катта авлиё билан учрашганда олинган Тошкентда. 2014 йил 19 ноябрда. У жуда машхур тинчликпарвар инсон. Унинг китоби "Территория бессмертия" - "Дарю тебе тысячный трехтысячный мир"-"Абадият худуди" -"Сенга минг йиллик уч минг йиллик оламни хадя этаман" - қадимги Турон замини ҳақида, Кушон тамаддуни , қадимги қўрғонлар, Қўрғондаги мардлар хақида, Мардлар макони яна уйғониши хақида.  Абдулла акамни кўриб, Косон яни Кўшонда туғилганини эшитиб излаганимни топдим дедилар!
У киши ўттиз йилдан бери Қадимги Кушон давлатининг худудларида саёхат қилар эканлар. Икки уч кун олдин Абдулла акам  Мардлик деган шеърни ёздилар! Юкорида сизлар шу шеърдан манавий озука олдиларингиз