фарид усмон

Фиғон

Халқим, шоиринг кўп дардингга дармон,

Мен шоир эмасман, мен сенга армон...

Чунки қийналганда танангдаги жон,

Вижудимни чулғар унсиз бир армон...

Сен оҳ деганингда, оҳ дейман доим.

Сен тортаётган ғам-мен тортаётган ғам,

Вижудимни чулғар унсиз бир фиғон,

Мен шоир эмасман, мен сенга армон...

Сўзим сенга етмас, ўзим сен билан,

Сени кўриб турган кўзим сен билан.

Мендаги  тоқату тўзим сен билан

Вижудимни чулғар унсиз бир армон,

Мен шоир эмасман, мен сенга армон...

Шунинг ўзи шеърдир, шунинг ўзи шеър,

Илтижо айлабон Фариджонинг дер:

-Вижудимни чулғар унсиз бир фиғон,

Мен шоир эмасман, мен сенга армон.