оллох ўзи мехрибон

                      ОЛЛОҲ ЎЗИ МЕҲРИБОН

                     Шукр қил ҳар бир ишга,

                     Берилма ғам, ташвишга!

                     Сабр қил ёзу қишга,

                     Оллоҳ Ўзи меҳрибон!

    

                              Маишатга берилма,

                              Бойлик учун керилма!

                              Тоатни канда қилма,

                              Оллоҳ Ўзи меҳрибон!

                      Мискинларга кўмак бер,

                      Саҳий элнинг ғамин ер!

                      Дуруд..саловотлар тер,

                      Оллоҳ Ўзи меҳрибон!

                               Ҳақ йўлига интилгил,

                               Тариқат йўлин билгил!

                               Қуръон тиловат қилгил,

                               Оллоҳ Ўзи меҳрибон!

                      Рўза тутгил тонг саҳар,

                      Канда қилма бир сафар!

                      Бунда бисёрдир самар,

                      Оллоҳ Ўзи меҳрибон!

                            Ҳаж қилгил қурбинг етса,

                            Ажабмас  О л л о ҳ   эса..,

                            Гуноҳдан фориғ этса,

                            Оллоҳ Ўзи меҳрибон!                          

                     Эй Суҳайлий, йиғлағил,

                     Сира гуноҳ қилмағил,

                     Юрак..бағринг тиғлағил!

                     Оллоҳ Ўзи меҳрибон!

                             .......................

                                 С У Ҳ А Й Л И Й