Мен билан суҳбатга чанқоқ бўлса қалбинг шеърга тўк,
Ногаҳон ағёр тийғи тилса қалбинг, шеърга тўк!
Осмондан нур ёғилса - толейинг қучса Зуҳал,
Шону шавкат завқидин шод кулса қалбинг, шеърга тўк.
Боқ: ҳаёт қандай гўзал - ҳар ким қучар бахт юлдузин,
Тақдиринг қалтис ўйин гоҳ қилса, қалбинг шеърга тўк.
Боғ ярат, гулзор ярат, дилларга сол орзу-умид,
Дафъатан эккан ниҳолинг сўлса, қалбинг шеърга тўк.
Сув билан гул яшнагай, дил – эътибор бирла тирик –
Бизни бедор айлаган ҳис ўлса, қалбинг шеърга тўк!
Сақламас зарра адоват, кун келиб Хуршиданинг
Руҳи парвонанг мисоли елса, қалбинг шеърга тўк!?..
ХУРШИДА. 2017 йил, 28 февраль
Комментариев нет:
Отправить комментарий